Lars-Emil siulittaasuuffimmit tunuarpoq
![Lars-Emil Johansen](/sites/default/files/styles/image_934x467/public/article_images/lars-emil_johansen_2015_hoej_oploesning.jpg?itok=UI4Z5ELv)
Lars-Emil Johansen Inatsisartuni tunngaviusumillu inatsit pillugu isumalioqatigiissimami siulittaasuusinnaanera qinigaanerup misilinneqarnissaanut ataatsimiititaliap tallimanngormat akuerigaluarpaa. Taamaattoqassanngitsorli Lars-Emilip nammineerluni oqaluttuaraa:
- Tunngaviusumik inatsisiliornissamut isumalioqatigiissitamut siulittaasussatut inassutigineqarsimanera eqqarsaatigalugu oqallinnerujussuaq tunngavigalugu nalunaarutigissavara Tunngaviusumik inatsisiliornissamut isumaqalioqatigiissitamut siulittaasutut atuuffimmut ataqqinartumut partiinniit toqqagaaffigisimagaluakkannut naaggaartariaqarama.
AAMMA ATUARUK Johansen: Ernumanissaq pisariaqanngilaq
Politikeritoqqao Nunatsinni politikkimi pingaaruteqartut marluk atorfigisinnaanerai ilaatigut demokraatineersup Michael Rosingip isornartorsiorpaa, Inatsisartunimi siulittaasoq politikkikkut oqimaaqatigiittumik sulisussaasoq tamallu oqartussaaqataaneranni tunngaviusumik periutsit malittussaagai, Michael Rosing isumaqarpoq.
- Taamaammat suliamut taama politikkertaqartigisumut, inatsit tunngaviusoq pillugu isumalioqatigiissitatut ittunut, peqataasinnaanngilaq, Michael Rosing KNR-imut februaarimi oqarpoq.
AAMMA ATUARUK Tunngaviusumik inatsimmik suliaqarneq taasititseratarsinnaasoq
Lars-Emil Johansenilli taama ernummateqartariaqanngissoraa. Maannali isummani allanngortippaa.
Naalakkersuisut siulittaasorisimasaat tunngaviusumik inatsit pillugu isumalioqatigiissitami siulittaasutut kiap taarsissaneraa ilisimaneqanngilaq.