Lars-Emil: Kalaallit Nunaata silaannaa atorneqarsimanngimmat nuannaarutissaavoq
Danskit naalakkersuisui akissutissaqannginnerarput, amerikamiummi paasissutaasinnaasunik oqaaseqarusussimanngimmata. USA-lli neriorsuutigisimavaa siunissami taamaaliortoqartannginnissaa. Nalunaarusiami erserpoq nunatsinni Danmarkimilu naalakkersuisut tigusanik angallassisarsimanerni ilisimasaqanngitsut. Qallunaat inatsisartuini ilaasortap Lars-Emil Johansenip nassuiaateqarneq tusarnaareerlugu ima oqaaseqaateqarpoq:
- Maannakkut nalunaarutip saqqummiunneqarnerat najoqqutaralugu taamaallaat oqaaseqarsinnaavunga, atuarnissaanut periarfissaqarsimannginnama. aallartippoq.
Nalunaarut 100-nik qupperneqarpoq, ilanngussallu ilanngullugit quppernerit 5-600-t missaanniillutik.
-Qissimigaarnerani aamma Danmarkimi Nunanut Allanut Ministerip, Inatsiseqarnermut Ministerip aamma Assartuinermut Ministerip saqqummiussinerani nuannaarutigalugu maluginiarpara Danmarkimit Nunanut Allanut Ministeriata USA-p Nunanut allanut Ministeria unnuaq attaveqarfigisimagaa.
-Attaveqarfigisimavaa qulakkeerisinniarlugu siunissami taamatut tigusanik assartuinermi Danmarkip taamaalillunilu nunatta silaannaa aqqutigalugu assartuisoqartassanngitsoq, naalliutsitsilluni tigusanik oqartitsiniaaneq anguniarlugu assartuinermi. Taanna qularnaaruteqarsimanera nuannaarutissaavoq, Lars-Emil Johansen oqarpoq.
Nuannaarutissat aappaattut taajumavaa amerikamiut siornatigut angersinnaanatilluunniit naaggaarsinnaannginnerminnik oqartarnerminnik allanngortitsisimanerat.
- Maanna oqarsimanerarneqarput - uani nalunaarummi takullatsiakkat najoqqutaralugit - Kalaallit Nunaannut tunngatillugu immikkut erseqqissarsinnaallugu Kalaallit Nunaata silaannaatigut, tigusanik naalliutsitsineq atorlugu oqartitsiniagassaasunik assartuisoqarsimanngisaannartoq. isumaga malillugu, Folketingimi Siumut sinnerlugu ilaasortaq Lars-Emil Johansen oqarpoq.