Løkkep taamaatitsinera Aajap Aleqallu assigiinngitsunik isumaqarfigigaat
Taamatullu nalunaaruteqarnera Chemnitz Larsenimit Hammondimillu assigiinngitsunik isumaqarfigineqarpoq.
- Taamatut iliornera isumatusaarnerusoraara. Folketingimi ilaasortaaqatiga Camp Century pillugu isumasioqatigiinnissamut ullumi aggersaagaluarpoq, tamannalu qineqqusaarnermi pitsaanngitsumik atorneqarsinnaagaluarpoq, Aaja Chemnitz Larsen (IA) Facebookimi taama allappoq.
AAMMA ATUARUK Lars Løkkep nunarput ministeriminut sammeqqunngikkaa
Camp Centurylu pillugu ullumi marlunngornermi isumasioqatigiinnissaq Aleqa Hammondip qilanaarisimagaluarpaa. Ministeriunerullu isumasioqatigiinnissamik Folketingimilu nunatsinnut tunngsssuteqartunik tamanik taamaatitsinera iluarinngilluinnarpaa.
- Aqagu Camp Century pillugu sakkortuunik apeqquteqarfigisara ministerimik apeqqarissaarneq unitsinneqrpoq. Folketing aamma Inatisartut suleriusaat assigiinngitsuupput. Taamaammat aaliangiinermut isumaqataanngeqaanga, attaviitsoq Facebookimi taama allappoq.
