Danskit nakorsaatinut aqutsisoqarfiat: Coronavirusimut akiuussutissamik akuerisamik apriiliutinnagu peqalerataannaavoq
Coronavirusimut akiuussutissamik akuerisamik Danmarkimi aappaagu qaammatit siulliit pingasut ingerlaneranni peqalersimanissaa ilimanarsinnaavoq.
Nakorsaatit pillugit aqutsisoqarfiup pisortaa Thomas Senderovitz, nakorsaasiorfissuit piffissami kingullermi misileraanerisa inerneri takoreerlugit taama naliliivoq.
Amerikamiut nakorsaasiorfiisa ilaata Modernap misileraanerisa inernerigallagaasa takutippaat nakorsaat ineriartortissimasaat inunnut misileraaffiusunut 95 procentinut sunniuteqarsimasoq.
AAMMA ATUARUK EU coronavirusimut akiuussutissanik 200 millioninik pisinissamik isumaqatigiissuteqartoq
Akiuussutissanilli qaqugu tunniussisinnaalernissarput oqaatigissallugu suli siusippallaarpoq. Thomas Senderovitz taama oqarpoq.
Nakorsaatip misileraaffigineqartup inunnut 90 procentinut sunniuteqartoq, amerikamiut nakorsaasiorfiata allap tassa Pfizerip sapaatit-akunnerata siuliani aamma nalunaarutigaa.
- Akiuussutissatut nakorsaatit marluk taakku pillugit isumalluarpugut, Thomas Senderovitz oqarpoq.