EU coronavirusimut akiuussutissanik 200 millioninik pisinissamik isumaqatigiissuteqartoq

EU-Kommissioni nakorsaasiorfinnit Pfizerimit Biontechimillu coronavirusimut akiuussutissanik pisinissamik 200 millioninik isumaqatigiissuteqarpoq. Illua tungeriit isumaqatigiissuteqarnertik pingasunngornermi uppernarsarpaat.

Isumaqatigiissut akiuussutissat 100 millioninik ilaneqarnissaannik periarfissiisoq, Pfizer tusagassiuutinut nalunaarpoq.

Nakorsaasiorfinnit arlalinnit pisinissamut isumaqatigiissuteqartoqareerpoq.

- Akiuussutissanik 300 millioninik pinissamut ullumi pingasunngornermi isumaqatigissuterput saqqummiussinnaagakku nuannaarutigeqaara, EU-Kommissionip siullittaasua Ursula von de Leyen oqarpoq.

AAMMA ATUARUK AstraZenecap coronavirusimut akiuussusiornini iluatsinnersoq ukioq naatinnagu paasissagaa

Tamanna 2020-p naanerani ukiortaamiluunniit pissangatinneqartoq, EU-p peqqissutsimut kommissæriata Stella Kyriakidesip tusagassiortunik katersortitsinermini uppernarsarpaa.

Inuttaasulli taamanikkussamut kapitinnissartik naatsorsuutigisinnaanngilaat.

Akiuussutissammi atulinnginnerani EU-p peqqissutsimut oqartussaasuinit akuerineqaqqaassaaq.

- Akiuussutissaq ajornartoorunnaarnissatsinnut qanoq pingaaruteqartiginersoq nalunngilarput, peqqissutsimut kommissæri Kyriakides oqarpoq.

EU-lli akiuussutissap innuttaasunut piaarnerpaamik atorneqarsinnaalernissaa sulissutigissagaa, taanna erseqqissaavoq.