Kuupik qinigaaqqippoq
Naalakkersuisut siulittaasuat, Kuupik V. Kleist, natsorsuutigineqareersutut siulittaasutut ataatsimeersuaqataasut 48-it nikuillutik ersaataannermikkut siulittaasutut qineqqippaat.
Kuupik V. Kleistip siulittaasutut qinigaaqqinnera Naalakkersuisuni maannamut siuttuusimaneranik partiip ilaasortaasa akuersinerattut, aammalu sumiiffinni nunalu tamakkerlugu qinersinissani IA-p partiini annerpaajuinnarnissaanut siuttunissaanut tatiginninnertut isigineqarpoq.
Taamaalilluni Kuupik V. Kleistip Inatsisartunut, kommuuninut, nunaqarfinni aqutsisunut ilagiillu sinniisuinut qinersinissat tamarmik upernaaq manna ingerlanneqartussat Inuit Ataqatigiit sinnerlugit siuttuuffigissavai.
Inuit Ataqatigiit siulersuisuunerinut qinerneqartut allat ukuupput:
Naalakkersuinikkut siulittaasup tullia: Aqqaluaq B. Egede.
Aaqqissuussaanikkkut siulittaasup tullia: Juliane Henningsen.
Allatsi: Sara Olsvig.
Aningaaserisoq: Ove Karl Berthelsen.
Siulersuisuunernut ilaasortat arfinillit: Kelly Berthelsen, Storch Lund, Naimangitsoq Petersen, Asii C. Naarup, Olga P. Berthelsen, Ane Hansen.