Kuupik Kleistip danskit ministerii pingasut ataatsimeeqatigai

Illersornissamut ministeri Søren Gadegaard nalunaaquttap akunnerisa pingasut matuma siorna ataatsimeeqatigaa, ilaatigut eqqartorneqarlutik Issittumi sakkutooqarneq sakkutooqarfittaarnissarlu, siusinnerusukkut aamma eqqartorneqareersoq.

Ministeriuneq Lars Løkke Rasmussen Kuupik Kleistip nalunaaquttap akunnerisa marlussuit qaangiummata ataatsimeeqatigaa. Kalaallit Nunaata nunasiaataanerani pissusiusimasut misissuivigineqarnissaat Kuupik Kleistip ministeriunerullu ilaatigut oqaluuseraat. Tamatuma oqaluuserineqarneranut pissutaavoq, Danmarkip Kalaallit Nunaannut ukiut ingerlanerini kannguttaatsuliorsimanerata ataqqinartumik naggaserneqarnissaa Kuupik Kleistip piumasarimmagu.

Sila pillugu ministeri Connie Hedegaard Naalakkersuisut siulittaasuata Danmarkimi nalunaaqutaq malillugu ualeru nalunaaqutaq tallimanut, tassa maani nalunaaqutaq ataatsimut ataatsimeeqatigissavaa. Kalaallit Nunaata sila pillugu piumasai tassani oqaluuserineqassapput.