Aki pillugu isumaqatigiinnginneq: Nipisanniarneq suli aallartinngilaq

Nipisat suaannik tunisineq 1. apriili aallartittussaagaluarpoq, kisianni nipisanut qassutit suli nunap qaaniipput.

Tamatumunnga aalisartut piniartullu kattuffiat KNAPK Royal Greenlandilu nipisat suaasa kiilumut akissaat pillugu isumaqatigiissinnaannginnerat peqqutaavoq. Royal Greenland-ip kiilumut aki koruunit 22-issasut aalajangiusimavaa, tamannali appasippallaartoq, KNAPK isumaqarpoq. 

AAMMA ATUARUK KNAPK ansætter Mikael Petersen

Royal Greenland tunisassiorfinni nipisat suaannik tigusissalluni piareeqqagaluartoq, attaveqaqatigiinnermut pisortaq, Masaana Egede KNR-imut oqarpoq. 

- Piginnittuvut nalunaarfigereerpavut nipisat suaannik pisinissatsinnut piareeqqasugut, taanna oqarpoq.

Aallartiffissaq suli ullulerneqanngilaq 

Kisianni aalisartut qassutaat suli nunap qaaniipput.

Tamatumunnga peqqutaavoq aalisartut piniartullu peqatigiiffiisa kattuffiat KNAPK Royal Greenland-ilu nipisat suaasa kiiliumut akissaat isumaqatigiissutigisinnanngimmatigit. 

- Suaat nunanut allanut tunineqarsinnanngorlugit suliarineeqarnissaat imminut akilersinnasariaqarpoq. Akisuallaarpata tunisinnaanngilavut – taavalu nipisat suaannik annertuallaartunik uninngasuuteqalissaagut, Masaana Egede oqarpoq.

Namminersorlutik Oqartussat nipisat suanniarneq pillugu nalunaarutaat naapertorlugu tunitsiviit aalisartullu kattuffiata qaqugu tunisineq aallartissanersoq isumqatigiissutigiisussaavaat.

AAMMA ATUARUK Royal Greenlandip Ruslandimut niuernini unitsikkaa

Ullorlu aallartiffissaq sapaatip akunnera ataaseq sioqqullugu aalisarnermut naalakkersuisoqarfimmmut nalunaarutigineqassaaq.

Kisianni aallisarnermut naalakkersuisoqarfik manna tikillugu suli ullormik aallartiffissamik pisimanngilaq, naalakkersuisoqarfimmi pisortaaneq Jørgen Isak Olsen KNR-imut oqarpoq. 

KNR-ip KNAPK oqaaseqartinniaraluarpaa, iluatsinngitsumilli.