Kulturi Timersorneq

AWG2016 Kunngissaq AWG2016-mi ammaanersioqataassaaq

Arctic Winter Games Nuummi tulliani sapaatiuppat ammaanersiorneqarpat kunngikkormiunit najuuttoqassaaq.

Allattoq Karsten Sommer

februaarip 25-at 2016 11:56

Nutserisoq Gâbánguak Bidstrup

Issittormiut unammiuaarnerat Nuummi sapaatiuppat tulliani marsip ulluisa arfernganni ammaanersiorneqarpat kunngikkormiunit najuuttoqassaaq.

Kunngikkormiutut ataqqinnassusilik Kunngissaq Frederik Issittormiut unammiuaarnerat Arctic Winter Games 2016 sapaatiuppat tulliani marsip ulluisa arferngani ammaanersiorneqarpat najuutissasoq Kunngikkormiut allaffeqarfiannit akunnerup affaa qaanngiummat nalunaarutigineqarpoq.

Aamma atuaruk Arctic Winter Games angerlarsimaffinnit ima malinnaaffigisinnaavat

Kunngissaq Frederik Issittormiut unammiuaarnissaannut Arctic Winter Games 2016-imut illersuisuuvoq, maannalu tassa qulakkeerneqarpoq illersuisuunini pissutigalugu Nuummukassasoq.

- Issittormiut unammiuaarnerisa ammaanersiorneqarnerannut Kunngissap Nuummukarnissaminut piffissaqarmat nuannaarutigaarput, Arctic Winter Games 2016-imi pisortaq Maliina Abelsen KNR-imut oqarpoq.