50-iliisoq: Kunngissap inuuissiornera ilaqutariinnut arpatsitsilluni Nuummi nalliussineqassaaq
Kunngissap Frederiup akunnaatsuliineranut atatillugu Kommuneqarfik Sermersooq piinsip aappaani, ataasinngornermi maajip 21-ani, ilaqutariinnut arpatsitsiniarpoq.
Kunngissaq ullormi tassani aamma arpattussaavoq. Danmarkimi illoqarfinni anginerni tallimani arpatsitsisoqassaaq kunngissallu ullormi tassani arpaqatigiinnerit tamaasa peqataaffigissavai.
Kunngissarli Nuummi peqataassanngilaq. Arpatitsinerli meeqqanut inersimasunullu tulluussarneqarsimassasoq, Kommuneqarfik Sermersooq allappoq.
Arpaffissaq kilometerinik 3,5-inik isorartutigissaaq, arpannerlu Nuummi kommunip allaffiata saavani biilinik inissiisarfimmi aallartissaaq naammassillunilu.
Nipilersortoqarlunilu aliikkusersuisoqassaaq, aamma kunngissaq pilluaqqullugu allaffigineqarsinnaavoq. Kaffeqassaaq, naatitat kaagillu.