Kunngikkormiut tikeraarnerat silamit akornusersorneqarpoq
Timmisartornissaat pisinnaanngippat sakkutuut umiarsuaannut, Einer Mikkelsenimut ilaallutik Qaanaamiit Upernaviliaanneqassapput, aqqutaani sakkutuut umiarsuaannit allamit, Hvidbjørnimit naapigiarneqassallutik.
Kunngikkormiut umiarsuaat Dannebrog maanna Upernavimmiippoq utaqqilluni. Kunngikkormiut Upernavimmut tikippata tassani tikilluaqqusisuussaaq, Qaasuitsup Kommuneani borgmesteri, Jess Svane.
Dronning Margrethep uiatalu prins Henriup aallarnissaat erniinnaq nalunaaqutaq qulingiluanut paasinarsippat, taakku angalanissaasa qanoq allannguuteqarnissaat paasinarsissaaq.
Upernavimmiit ullaatungaani paasisagut naapertorlugit, maanna Qimusseriarsuaq pujorpoq, tassalu taamaaginnassappat kunngikkormiut timmisartornissaat taamaatiinnarneqartariaqassaaq.
