Kunngikkormiut juullimut ammartagaat: Nissiaqqap Arnap qatanngutini naalagaaffeqatigiinni ujassagai

Dronning Magrethep Nissiaraq Arnaq qatanngutiminik nunatsinnut Savalimmiunullu ujarlertikkiartorlugu angalatippaa. Tamanna Kunngikkormiut juullimut nittartakkakkut ammartagaanni pissaaq.
Nissiaqqap Arnap qatanngutini marluk, aappaa nunatsinni nunassissimasoq, ujassavai.
Dronning Margrethe ukioq manna juullimut ammartagaliaminnut nissiaralioqqittuuvoq. Assi © : Kongehuset
Kunngikkormiut ukioq manna juullimut ammartagaliaanni Nissiaraq Arnaq naalagaaffeqatigiinni angalavoq. Assi © : Kongehuset
Nissiaqqallu allap Savalimmiuni nunassissimasup tassani juullimi ileqqutoqqat attappai.
Juullimut ammartakkami Nissiaraq Arnaq naalagaaffeqatigiinni juullimi ileqqutoqqat misigisassarsiorfigiartorlugit angalavoq. Assi © : Kongehuset
Allattoq Helle Nørrelund Sørensen
novembarip 30-at 2020 11:16
Nutserisoq Hanne Petersen

Nissiaqqat ilisimasatsitut ukioqqortoorujussuanngortarput - nissiaqqallu ilaqutariit nunatta, Savalimmiut Danmarkillu akornanni avissaaqqanertik pissutigalugu ukiuni hunnorujuni takusimanngillat.

Tamanna Kunngikkormiut ukioq manna juullimut ammartagaata oqaluttuassartaraa. 

Kunngikkormiut juullimut ammartagaat nittartagaanni inoqatinullu attaveqaatit ilaanni Instagramimi malinnaavigineqarsinnaavoq.

Dronning Magrethellu inuusaaraliani Arnaq naalagaaffeqatigiinnerup qatanngutiminik ukiuni hunnorujuni juullisioqatigisimanngisaminik ujarlertillugu naalagaaffeqatigiinni angalatippaa.

AAMMA ATUARUK VIDEO: Dronningimut pilluaqqusineq - nunarput sinnerlugu

Nissiaqqap Arnap qatanngutai kunngip Christiaap qulingata dronning Alexandrinellu 1921-imi angalanersuanni Savalimmiunut nunatsinnullu immikkut nunassipput.

Ammagassaq siulleq decembarip aallaqqaataani Danmarkimi ullaakkut nalunaaqutaq arfineq-pingasunut qiteqquppat ammarneqassaaq, immikkoortullu nutaat tamatuma kingorna juulliaraq ilanngullugu ullut tamaasa isiginnaagassaqartassaaq.

Malinnaasut savalimmiormiut kalaallillu juullimi ileqqutoqaat, unikkaarutaat oqaluttuatoqaallu decembarimi paasisaqarfiginerusinnaavaat. Taakkua Kunngikkormiut ukiorpassuit ingerlanerini oqaluttuassartaat ilanngullugit allakaatinneqartassapput.

Kunngikkormiut juullimut ammartakkamik digitaliusumik ukiut tallimassaannik saqqummiipput. Juullimut ukioq manna ammartagaliaat danskisut, savalimmiormiusut, kalaallisut tuluttullu oqaasertaqartoq, Kunngikkormiut ilisimatitsipput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq