Kunngikkormiup eqqumiitsuliaatai saqqummersinneqalersut
Prins Henrik eqqumiitsulianik nunatsinneersunik nuannarisaqartutut ilisimaneqarpoq.Sanalukkat kiinarpaallu ukiuni kingullerni arlaqalersuni katersugai maanna arlalikasinngorsimapput. Katersukkani kikkunnut tamanut takutinniarlugit Prins Henrik aalajangerpoq. Gentoftimi katersugaasivimmi, Schæffergårdenimi katersugai saqqummersinneqassapput.
Kunngikkormiut atisaat, taakkununnga ilaallutik dronningip niviarsiaraalluni kalaallisuui 1952-imi tunniussat, saqqummersitassanut ilaassapput. Tunumiut atisaat 1800-kkornisat, katersugaasivissuarmit Nationalmuseum-imit atukkiussat, saqqummersinneqartut ilagissavaat.
Saqqummersitsineq taaguuserneqarsimavoq, 'Af kærlighed til Grønland' kalaallisut nutserlugu 'Kalaallit Nunaannut asanninnerup aqqani', novembarip 24-annit januaari ilanngullugu takuniarneqarsinnaavoq.