Kulusummi atuartut angajulliit Tasiilamiikkusunnerupput
Atuartut pineqartut pingasut Kommuneqarfik Sermersuumit tamarmik akuerineqarsimapput, ukiumilu atuarfiusumi nutaami Tasiilami atuartut angerlarsimaffianni najugaqqassallutik.
-Nuannerpoq angajoqqaat kissaataat naammassisinnaagatsigit ilutigalugulu meeqqat atuarfiannut aningaasatai pitsaanerpaamik atorsinnaallutigit, Meeqqanut Ilaqutariinnut Atuarfeqarnermullu pisortaq Søren Valbak oqarpoq.
Ittoqqortoormiini atuarfiup 9. aamma 10. klassinik aallartitseqqinniarnera qanittukkut tusarliunneqarpoq. Atuartut maannamut Nuummi Tasiilamilu 9. aamma 10. klassimi atuartariaqartarsimapput.
Ittoqqortoormiini 9. klassit illoqarfimminni atuartalissapput