Kulusuk nunaqarfittut ataannassappat inuussutissarsiutitigut ineriartortitsiuartoqartariaqarpoq

Kulusuk ukiut 100-t matuma siornatigut tunngavilerneqarpoq, ullunilu makkunani nalliuttorsiutigineqarluni. Kulusuup mittarfeqarfeqarnera Tasiilamut nunaqarfinnullu allanut pingaaruteqartoq, Kulusummi nunaqarfinnik aqutsisut siulittaasuat Pele Maratse oqarpoq.
Allattoq Mads Lynge
aggustip 06-at 2009 16:29

- Takornariat inuussutissarsiutitut Kulusummut pingaaruteqarput, taamaammat takornariaqartitsineq ineriartortinneqartuartariaqarpoq. Kulusuk angallannikkut aamma qitiuvoq. Tasiilamuinnaq pingaaruteqanngilaq, nunaqarfinnut aamma pingaaruteqarpoq, Pele Maratse oqarpoq.

Kulusummi nunaqarfimmik aqutsisut siulittaasuat Pele Maratse taama oqarpoq.

Taanna Kommuneqarfik Sermersuup borgmesterianik Asii Chemnitz Narupimik ullumi ataatsimeeqateqarpoq, borgmesterip nunaqarfimmi aqutsisut aningaasatigut aqutsinermi akisussaaffimmik annerusumik tunivai, tamannalu nunaqarfimmi aqutsisut siulittaasuattut tulluusimaarutigaa.

Kulusummi nunaqarfimmik aqutsisut siulittaasuat Pele Maratse taama oqarpoq. Kulusuk 320-nik inoqarpoq. Kulusuup ukiunik 100-nngortorsiorneqarnera ulluni pingasuni nalliuttorsiutigineqassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq