Kulturimut aningaasaliissutinik agguaassisoqartoq
Suliniutit assigiinngitsut 31-t tapiiffigineqarput, aningaasallu agguaanneqartut aningaasaliiffinnit sisamanit agguaanneqarput.
Kultureqarnermut aningaasanit suliniutinut assigiinngitsunut qulingiluanut, ilaatigut saqqummersitsinernut isiginnaartitsinernullu, 870.000 koruunit tapiissutigineqarput.
Filmiliornermik ingerlataqartunut aningaasanit filmiliornermik pilersaarutinut arfineq pingasunut, pingaartumik oqaluttualiornernut piviusuliornernullu, katillugit 1.448.000 koruunit tapiissutigineqarput.
Atuakkanut kalaallisut allatanik tapiissutaasartunit sulianut arfineq-marlunnut katillugit 1,1 millionit koruuninik tapiissutigineqarput.
Tulliani qinnuteqarnissamut piffissaliussaq tassaavoq septembarip ulluisa aallaqqaataat. Namminersorlutik Oqartussanit Kulturimut aningaasaliissutit pillugit paasissutissat sukumiinerusut nittartakkakkut www.sullissivik.gl-ikkut pissarsiniartoqarsinnaapput.
Eqqumiitsuliortut suliniutillu tapiiffigineqartut allattorsimaffiat Naalakkersuisut nittartagaanni takuneqarsinnaavoq.
http://naalakkersuisut.gl/~/media/Nanoq/Files/Attached%20Files/Kultur/Tapiiffigitittut%20Februar%202018%20Tildelte%20projekter-1.pdf