Nukissiorfiit: Kullorsuarmi imermik pilersuilernerup qaqugu iluarsineqarsinnaanera suli nalunarpoq

Kullorsuarmi imermik pilersuineq qaqugu iluarsineqarsinnaassanersoq suli nalunarallarpoq. Nukissiorfiit nittartakkaminni taama allaaserisaqarput.

Nukissiorfiit sulisui nunaqarfimmut decembarip 27-anili imermik pilersorneqarunnaartumut apuutereeraluartut, atortut iluarsinissaannut atortorissaarutinik pisariaqartitsisoqarpoq.

- Maannakkut qularnaarlugu paasineqarpoq kittorartoortoqarsimasoq erngarfiusumik, taannalu sulisut nivallutik aputaajaallutik qulaarniarnera ingerlappaat ajortissimasut taarserniassagamikkit. Suliamut tamatumunnga atortussat allat atorfissaqartinneqarput Nukissiorfiillu neriutigivaat tulliani nunaqarfimmut helikoptereqarnissaanut ilaallutik tikikkumaartut.

Erngup aqqutaata kipisimanerata erngarfeqalersimaneratalu saniatigut, erngup aqqutaa tatsip nalaani aamma erngalersimavoq, tamannalu pissutigalugu qerisimalluni.

AAMMA ATUARUK Kullorsuarmi imeqarneq aaqqiiffiginiarneqartussanngortoq

Taamaammat Kullorsuarmiut imermik pilersorneqarnerat qaqugu iluarsineqarsinnaassanersoq Nukissiorfiit oqaatigisinnaanngikkallarpaat, tatsimut erngup aqqutaa misissorluarneqartariaqarmat, -35 gradinillu issimmat erngullu aqqutaa apummik annertuumik qallerneqarsimammat tamanna unammillernartuulluni, Nukissiorfiit taama allapput.

AAMMA ATUARUK Terianniaq pissutaagunarluni imermik pilersuineq unippoq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat