Kullorsuarmi imeqarneq aaqqiiffiginiarneqartussanngortoq

Kullorsuarmi imermik pilersuisoqarunnaartoq, Nukissiorfinnit jannuaarip aappaani nalunaarutigineqarpoq. Nukissiorfinniillu sulisut aaqqissuiartortut ippassaq unnukkut tikipput.
Allattoq Bikki P. Kleist
januaarip 15-at 2019 13:45

Ajoqutaasorlu qanoq annertiginersoq sulisunit aqagu pingasunngornermi paasiniarneqassasoq, Nukissiorfiit nalunaarutigaat.

Innuttaasut Kullorsuarmit imeqarfimmut 2 kilomiiterinik ungasitsigisumut dunkit atorlugit suli imertartariaqarallassapput.

Pumpip tassa imermik milluaassutaata tatsimit Kullorsuarmut pilersuisumit imermik qalluisartup ajoquteqarnera pissutaalluni nunaqarfimmut imermik pilersuisoqarunnaarpoq.

AAMMA ATUARUK Terianniaq pissutaagunarluni imermik pilersuineq unippoq

Ajoqutit decembarip ulluisa 27-anni paasineqarput teriannisamillu piliarineqarsimanissaa ilimagineqarpoq.

Pumpi tatsip eqqaaniittoq pilertortumik iluarsineqarpoq iluarsaassinerulli nalaani tatsip nunaqarfiullu akornanni erngup aqqutaani imeq qerivoq, tamatumalu kingunerisaanik imermik pilersuineq unittoorluni.

Pisoq pillugu Nukissiorfiit nalunaaruteqassallutik aamma ilisimatitsissutigaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq