Kujataani immap naqqatigut kabelimik iluarsaassineq aqagu aallarteqqinneqartussanngortoq

Internettimik attaviit ullut 20-t tikillugit matuneqarallarnissaat, Telepostimit naatsorsuutigineqarpoq.
Assi © : Simon Uldum / Arkiv
Allattoq Jens Betak, Bikki P. Kleist
maajip 14-at 2019 17:28

Nunatta kujataani imaatigut kabelip aaqqissuunneqarnera aqagu pingasunngornermi aallarteqqinneqassaaq, sikorsuaqarnera pissutigalugu aaqqissussinissaq ullormik ataatsimik kinguaattoorfiuvoq. 

Tamatumalu malitsigisaanik internettimik atuisut attaviinik aqagu matusigallartoqassaaq.

AAMMA ATUARUK Kabelimi kittorarnerit akikilliliinissanik kigaallatsitsissagunartut

- Naatsorsuutigaarput aaqqissuussineq pingasunngornermi aallarteqqissinnaasoq, sikorsuilli silallu qanoq innissaa apeqqutaassaaq, Telepostimeersoq, Paarnaq Hansen oqarpoq nangilluni:

Aqqissuussiffiusussami sikorsuaqarpoq umiarsuarlu pisut pillugit malinnaalluni, taamaattumik sioqqutsisumik aaqqissuussisoqarsinnaasimanngilaq, Paarnaq Hansen oqarpoq. 

Kujataani internettimut aqagu attaveerukkallartitsineq ulluni 15-ini imaluunniit ulluni 20-ni sivisussuseqarsinnaassasoq, Tele-Postip naatsorsuutigaa.
 

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk