Immap naqqatigut kabeli Tele-Postimut qanittukkut ajornartorsiortitsisarpoq. Kabeli Kujataani decembarimi kittorarpoq, kingornalu Sisimiut eqqaanni marloriarluni kittorarluni. Toqqorsivimmit asseqAssi: Tele-Post

Tele-Post: Kabelimi kittorarnerit akikilliliinissanik kigaallatsitsissagunartut

Tele-Post immap naqqatigut kabelip kittorartarnerata iluarsaanneqarnissaanut akinik qaffaanavianngilaq. Kisianni arriinnerusumik akikilliliiartuaartoqarsinnaavoq. Tele-Postip siulersuisuisa siulittaasuat Stine Bosse taama oqarpoq.

- Arlaanninngaanniit akilerneqarnavianngitsumik oqaruma sallussaanga. Tassanilu Tele-Postip sullitai pineqarput, Stine Bosse oqarpoq.

Tele-Postilli akinik qaffaanavianngitsoq taanna oqarpoq. Iluarsaassinerilli akilerniarlugit akikilliliiartorneq arriinnerussagunarpoq.

AAMMA ATUARUK Tele-Post 2018-imi angusatigut kinguariaateqarfiusoq

Bosselli erseqqissaatigaa akikilliliinissaq suli pilersaarutigineqartoq.

Paasissutissat

  • Immap naqqatigut kabeli Sisimiut kujataatungaani januaarimi pivoq.
  • Kabelip allatigut kittorarnera Sisimiut avannaatungaanni kilometerinik 70-inik ungasitsigisumi pivoq.
  • Immap naqqatigut kabelip kittorarnera alla Kujataata avataani decembarimi pivoq. 
  • Immap naqqatigut kabeli 300-400 meterinik ititigisumi siaarneqarpoq.

- Imaassinnaavoq arriinnerulaassasut, kisianni aggissaqqaarput, Stine Bosse oqarpoq.

Immap naqqatigut kabeli Tele-Postimut qanittukkut ajornartorsiortitsisarpoq. Kabeli Kujataani decembarimi kittorarpoq, kingornalu Sisimiut eqqaanni marloriarluni kittorarluni.

Stine Bossellu kabelimik iluarsaassinerit 40 millionit koruunit missaannik akeqassasorai.

Immalli naqqatigut kabelip ajoquteqalernissaa missingersuutini sillimmaserneqartarmat, iluarsaannissaanut aningaasartuutit ilaat matussuserneqareerput.

AAMMA ATUARUK Islandimut imaatigut kabelip attavia ajoquteqartoq

- 20 millionit koruunit missaat siorna naatsorsuutini immikkoortinneqarmata, immaqa 25 millionit koruunit suli akiligassaassapput, Stine Bosse oqarpoq.

Taannalu naapertorlugu aningaasartuutissat taakku Tele-Postimut artukkeerujussuarnavianngillat.

- Kittorarnerit taakku Tele-Postip aningaasaqarneranik uppisitsinavianngitsoq oqaatigissallugu pingaartupilussuuvoq. Agguagarsiassatut tunniussisinnaasassaaq sullitallu akiliinerusalissanngillat, Tele-Postip siulersuisuisa siulittaasuat, Stine Bosse oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat