Islandimut imaatigut kabelip attavia ajoquteqartoq

Nunatta annersaani internettimut attaviit eqqorneqartut, Telepost nalunaaruteqarpoq.
Assi © : Simon Uldum / Arkiv
decembarip 27-at 2018 11:23

Immap naqqatigut kabelip Nunatsinnit Islandimut attaveqaataa ajoquteqarpoq, internettillu attaveqaataa massakkut New Yorki aqqusaaqqaartarpaa, taamaattumik nunatsinni internetti kingaannerussasoq, Telepostimi attaveqaqatigiinnermut suleqataasoq, Paarnaq Hansen oqarpoq. 

Imaatigut kabelip attavia ajoquteqarpoq, ajoqutaasorlu massakkut paasiniarneqarpoq sunali ajoqutaanersoq suli naluarput, Telepostimi attaveqaqatigiinnermut suleqataasoq, Paarnaq Hansen oqarpoq. 

Kujataani atuisut eqqorneqartut
Kujataani Nuummilu Nanoq Media eqqorneqarnerpaapput, kujataani sakkortusaavikkut internettikkut attaviit kingaattuararsuupput, nunattalu sinnerani internettip kigaannera atuisut malugissavaat, Telepostillu nittartagaani ingerlatsinermut paasissutissiineertaani ingerlaavartumik paasissutissiisoqartassaaq, Paarnaq Hansen KNR-imut oqarpoq.