Kujataa: Politiit ujarneqartoq attaveqarfigerusukkaat

Qaqortumi politiit angut 31-nik ukiulik, suli ujagaqartik, isumaalugineqarmat attaveqarfigerusukkaluarpaat.
Assi © : KNR
Allattoq Kathrine Kruse
decembarip 10-at 2019 13:37

Jens Anguteeraq Benjaminsen, Narsami novembarip 12-ani kingullermik takuneqartoq, politiinit suli ujarneqarpoq.

Qaqortumi politiit ujaarineqartoq isumaalugineqarmat attaveqarfigerusukkaluarlugu naqissuserpaat.

- Ujarneqartup ilaqutai, ilisarisimasai, ikinngutai kiisalu sumiiffigisinnaasaanut ilimatsaassaqarfigut tamaasa ujaasiffigigaluarpagut, Qaqortumi politiit taama paasissutissiipput.

AAMMA ATUARUK Kujataa: Politiit angut 31-nik ukiulik suli ujaraat

Jens Anguteeraq Benjaminsen kingullermik takuneqarami qaqortumik qaatigooqarpoq tungujortunillu koorput qarleqarluni.

Assi © : Grønlands Politi

Jens Anguteeraq Benjaminsen poliitinit 170 aamma 175-it akornanni angissuseqartutut nassuiarneqarpoq. Nalinginnaasumik nerinnangajassinnaasumillu timeqarpoq, nujai qernertunik qalipaateqarput akunnattunillu takissuseqarlutik.

Ujaarineqartoq kajortunik iseqarpoq, naatsunik umeqassangatinneqarluni qaamilu talerpiatungaani qileroqarluni.

Qaqortumi politiit inuit Jens Anguteeraq Benjaminsenimik takunnissimasinnaasut imaluunniit sumiinneranik ilisimannittut attaveqarfigerusuppaat.

Qaqortumi politiit oqarasuaammut 70 11 22-mut attaveqarfigineqarsinnaapput.