USA-p Nuummi konsuuleqarfini annertuumik allilerniaraa
USA-pnunatta illoqarfiisa pingaarnersaanni Nuummi najuunnera annertusarniarpaa.
Tamanna USA-p nunanut allanut tunngasunut ministereqarfianit uppernarsaat nutaaq, aviisip Politikenip takunniffigisinnaasimasaata USA-p Nuummi konsuuleqarfini allilerniaraa nutarterusukkaalu takutippaa.
USA suliniummut 167 millionit koruunit 214 millionillu koruunit akornanni aningaasaliissuteqarpoq. Politikenip takunniffigisaanit, konsuuleqarfimmi sulisut 17-it missaannik sulisoqartussanngorlugu aaqqissuussisoqassaaq. Tamanna ukiuni kingullerni sulisunut sanilliullugu sisamariaat sinnerlugu amerleriaataassaaq.
Aviisip paasissutissat niuernermut tunngasunik suliaqarfimmeersumit, Bureau of Overseas Buildings Operationsimit (OBO-mit) nassiunneqartut, USA-p nunanut allanut tunngasunut ministereqarfiata ataaniittumit pissarsiarai.
Konsuuleqarfik nutaaq 2.784 kvadratmeterinik angissusilik “isertortumik aallartitaqarfimmik ingerlatsineq” assigalugu atorneqarsinnaassaaq.
Ilisimatusartuuneq Rasmus Sinding Søndergaard, Dansk Institut for Internationale Studierimi (Diis-imi) USA-p nunanut allanut politikkia pillugu ilisimatusartoq, taama oqarpoq.
- Nunat allat Kalaallit Nunaanni najuunnerannut, aamma nunani mikinerusuni assingusuni USA-p najuunneranut sanilliullugu, tamanna uissuumminarpoq.
Pilersaarutit malunnaatillit
- Inuit 17-it sulisoriniarneqartut uissuumminarpoq, taama angitigisumik illutaqarniarluni, konsuuleqarfimmillu nutarterinermut alliliinissamullu taama amerlatigisunik aningaasaliiniarnera uissuumminarpoq, taanna Politiken-imut oqarpoq.
EU-p Nuummi allaffeqarfeqarnera sanilliukkaanni sulisut tassani sisamaspput, Canadalu inummik ataasiinnarmik nunatsinni sinniisoqartitsisoq, Politiken allappoq.
USA-p Nuummi konsuuleqarfini 2020-mi ammaqqippa, 1953-imi matuneqareersimalluni ukioq manna USA-p konsuuleqarfini nuunneqaarnera ilutigalugu ammaqqippaa, illulli ilaa annertooq taamanimiilli inoqarsimanngitsoq, Politiken allappoq.
USA-p præsidentiata Donald Trumpip USA-p Kalaallit Nunaat, Naalagaaffeqatigiinnermut ilaasoq, aqulerusullugulu pigilerniarnerarlugu arlaleriarluni oqaatigaa, taassumami isumaa naapertorlugu Kalaallit Nunaat USA-p isumannaatsuunissaanut pingaaruteqarluinnarpoq.
USA, Kalaallit Nunaat aamma Danmark Kalaallit Nunaat pillugu isumannaallisaanermut illersornissamullu isumaqatigiissummik nutaamik septembarip qaammataata naanerani, sivisuumik isumaqatiginninniartoqareersorlu isumaqatigiissuteqarput.
Donald Trump FN-ip Ataatsimeersuartitsinerani oqalugiareersorlu, isumaqatigiissut New York Citymi FN-ip illorsuani atsioqatigiinneq nalliuttorsiualaarutigalugu pivoq.
Isumaqatigiissut ilaatigut USA-mut Kalaallit Nunaanni sakkutooqarfinnik marlunnik nutaanik pilersitsinissamut akuersissummik imaqarpoq. Maanna USA nunatsinni atasatsimik sakkutooqarfeqareerpoq. Taanna Pituffik Space Basemik taaguuteqarpoq, nunattalu avannamut kitaani inissisimalluni.
