Kuannersuit siuttunut ilaapput

Narsap eqqaani Kuannersuarni nunap akuinik qaqutigoortunik ilimagisamit peqarnerujussuusoq, Greenland Minerals and Energymit nalunaarutigineqarpoq.
marsip 25-at 2011 06:29

Sumiiffimmi misissuiffiusumi misissueqqaarnerit qillerinerillu takutippaat, siullermik naatsorsuutigineqartumiit 35 procentimik nuna qaqutigoortunik akoqarnerusoq.

Nunamik misissuitinneqartut aatsitassarsiortunut siunnersuisarfimmit SRK Consultingimeersut paasisaat naapertorlugit Kuannersuarni nuna nunarsuatsinni annertunerpaamik qaqutigoortunik akoqarpoq. 

Siunnersuisoqatigiit Grontmij/Carl Bromeersut Orbiconimeersullu Kuannersuarni aatsitassamik tunisassiortoqalissangaluaruni sunniutigisinnaasai sukumiinerusumik ungasinngitsukkut misissussavaat. 

Tunisassiortoqalissappat peqqinnermut, avatangiisinut, inuit atugaannut, isumannaallisaanermut imminullu akilersinnaaneranut sunniutaasinnaasut misissorneqassapput. Misissuinerit aappaagu naammassineqassasut Greenland Minerals and Energy nalunaarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq