Kuannersuit pillugit nalunaarusiaq utaqqisaasoq pisortanut tunniunneqartoq

Nalunaarusiami Kuannersuarni saffiugassanik qaqutigoortunik piiaasoqarpat inuiaqatigiit qanoq sunnerneqarsinnaanerat misissorneqarpoq.

 

Australiamiut aatsitassarsiortiteqatigiiffiata, Greenland Minerals Ltd.-ip,  Inuiaqatigiinnut Kingunerisaanik Nalilersuinermi (VSB) danskisut aamma kalaallisut nalilersuinertik nassiuppaa

Nalunaarusiami Kuannersuarni saffiugassanik qaqutigoortunik piiaagaanni qanoq tamatuma inuiaqatigiinnut kinguneqassaneranik nalilersorneqarpoq.

Kuannersuit, Narsap qanittuaniittut, qinngualanertaqartumik uraneqarnerat ilisimaneqarpoq.

 

- Oqaatsini suliarineqarfigisaminni pitsaassusissalersorneqareernermigut nalunaarusiaq Naalakkersuisunut saqqummiunneqassaaq, Namminersorlutik Oqartussat allapput.

 

Nalunaarusiap tuluttuua Inuussutissarsiornermut, Nukissiuteqarnermut Ilisimatusarnermullu Naalakkersuisoqarfiup ukioq manna aallartilaartoq tiguaa, suliarineqareermallu nalunaarutigineqarpoq kalaallisut aamma danskisut nutserneqareeruni Naalakkersuisunut saqqummiunneqarnissaa piariissasoq.

 

AAMMA ATUARUK Kuannersuarni suliniut pillugu nalunaarusiat pingaarutillit GME-p tunniukkai

Inuussutissarsiornermut Nukissiuteqarnermut Ilisimatusarnermullu Naalakkersuisoqarfiup aamma nalunaarpoq, saffiugassanik piiagassarsiortoq alla,Tanbreez februaarimi ukioq manna nalunaarfigigitsik, aatsitassarsioqatigiffiup inuiaqatigiinnut kingunerusussanik nalilersuinerata tuluttut allanneqarnerata kalaallisut aamma danskisut nutserneqarnera tunniunneqareerpat, Naalakkersuisunut aatsaat saqqummiunneqassasoq.

 

Tanbreez, piginneqatigiiffiusoq aamma Australiameersoq, aamma saffiugassanik qaqutigoortunik ujarlertuuvoq. Piginneqatigiiffik Qaqortup Eqqaani Killavaat Alannguanni misissuinissamut akuersissuteqartuuvoq.

 

Tanbreez piiaanissamut akuersissumik 2012-imi qinnuteqarpoq, taannali tigunerani inatsit naapertorlugu ilusilersugaannginnerarlugu itigartinneqarpoq. Taannali 2013-imi akuerineqarpoq.

Nalunaarusiaq suli saqqummiunneqanngilaq, KNR-ilu Namminersorlutik Oqartussanit amerlanerusunik paaissutissarsisinnaasimanngilaq. 

 

Naqqiut:
Allaaserisami allassimagaluarpoq, Killavaat Alanngut aamma uraneqartutut kisianni minnerusumik ilisimaneqartoq. 
Tamanna eqqortuunngilaq, oqaaseqatigiillu taakkua peerput: Tamaani uraneqarsinnaaneranik erseqqissumik uppernarsaateqanngilaq. 
 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat