KNR2 Kuannersuit pillugit innuttaasunik ataatsimiisitsinerit sisamat aallakaatinneqassapput

Assi © : Greenland Minerals
februaarip 05-at 2021 12:12

KNR-ip Kuannersuarni aatsitassarsiulersaarneq pillugu innuttaasunik ataatsimiisitsinerit sisamat, Qaqortumi februaarip ulluisa arfineq-pingajuanni Narsamilu februaarup ulluisa qulingiluaanni pisussat, TV-kkut aallakaatinniarpai.

KNR Kuannersuarni aatsitassarsiulersaarnermut tunngasunik qulaajaalluni nutaarsiassiisarpoq, KNR Radiokkut, Qanoruukkut, knr.gl-ikkut aaqqissuisoqafinnilu allat aqqutigalugit. Nunatsinnili kikkulluunniit ataatsimiisitsinerni sammisanut apeqqutinullu malinnaallutillu isiginnaarsinnaaqqullugit innuttaasunik ataatsimiisitsinerit ilaat toqqaannartumik aallakaatissavai.

Kujataaniinnaq innuttaasunik ataatsimiisitsisoqassaaq, coronavirusillu ajornartoortitsinerani killilersuinerit pissutigalugit najuussinnaasunut inissat killeqassapput. Tamannalu KNR-ip taama aalajangerneranut peqqutaaqataavoq.

Kuannersuarni aatsitassarsiulersaarneq nunatsinni avissaartuutallunilu oqallisaaqaaq. Amerlasuut paasisaqarnerujumallutillu paasissutissinneqarnerujumapput. Aamma KNR innuttaasunik ataatsimiisitsinissani sammineqartussanut taakkualu aaqqissuussaanerannut arlaannaatigulluunniit attuumassuteqanngikkaluarluni, aaqqissuisoqarfimmini allani paasissutissiissutigeriikkaminut ilapittuutitut isigai. Taamaammat toqqaannartumik aallakaatissavagut, pisortaq oqarpoq.

Innuttaasunik ataatsimiisitsinissat qaqugu sumilu pinissaasa allattorsimaffiat ataaniippoq. Qaqortumi Narsamilu innuttaasunik ataatsimiisitsinerit KNR TV-ip toqqaannartumik aallakaatitassarai.

 

 

Inuulluaqqusillunga

Karl-Henrik Simonsen
Pisortaq