Kræftimik katsorsaanermi Danmarkimi kinguarsimaneruvoq

Aviisimi Berlingske Tidendemi allaaserineqartut naapertorlugit Nunat Avannarliit allat, tassa Sverige, Norge Finlandilu, eqqarsaatigissagaanni kræfteqalersartut, kræftimillu toqquteqartartut, Danmarkimi amerlanersaapput.

Nalunaarusiami nutaami allaaserineqartut naapertorlugit tamatumunnga pissutaavoq qallunaat pujortarpallaarlutillu imigassartorpallaarnerat.

Pinaveersaartitsinerlu maanna anguniarneqassasoq aalajangiunneqarpoq.

- Qallunaat inuunerminni pissusaat misissortariaqarpavut. Danmarkimi innuttaasut pujortarpallaarlutillu imigassartorpallaaqaat, taamaammat katsorsaagaluaraangatta iluatsinneq ajorpoq, Kræftimik Akiuiniarluni suliniaqatigiiffimmi immikkortut ilaanni pisortaq, nakorsaaneq Hans H. Storm, oqarpoq.

Kræfteqalernissaq pinngitsoorniarlugu nammineq qanoq iliuuseqarsinnaanerput pillugu Kræftimik Akiuiniaqatigiiffik maanna allattuisimavoq:

Tassa peqqinnartunik nerisaqartariaqarpugut, timerput ullut tamaasa aalatilluartariqarlutigu, imigassartorpallaarnaveersaartariaqarpugut, puallarnaveersaartariaqarlutalu seqinertippallaarnaveersaartariaqarluta.