KRK-p Nepalimi eqqugaasunut sms atorlugu katersuiniarnera aallartippoq

Kalaallit Røde Korsiata Nepalimi nunap sajunneranit eqqugaasunut katersuiniarnini maanna aallartereersimalerpaa.

Allattoq Karsten Sommer

maajip 11-at 2015 06:30

Katersuiniarneq SMS-ikkut katersuiniarneruvoq, tamatumani tunissuteqarniarnermi 50 - 100 imaluunniit 150 koruuninik tunissuteqarnissaq toqqarneqarsinnaallutik. Katersuiniarnermi isertinneqartut Nepalimi tassa nunami anginngitsumi Aasiamiittumi qaqqartuumi ullut 14-it matuma siornagut nunap sajunneranit eqqugaasunut ikiorsiissutigineqassapput.

Tele-Postip SMS-ikkut sianerfissat pilersereerpai, taamaalilluni 50 koruuninik tunissuteqarniaraanni, allanneqassalluni NEPAL A, 1880-imullu nassiullugu.

100 koruuninik tunissuteqarniaraanni allanneqassalluni NEPAL B - aamma 150 koruuninik tunissuteqarniaraanni NEPAL C allanneqassaaq.

Aamma atuaruk Kalaallit Røde Korsiat nuna tamakkerlugu katersuinialersoq

Tassa tunissuteqarniaraanni SMS-ikkut normumut 1880-imut nassitsisoqassaaq - taamaaliornikkullu Røde Korsip Nepalimiunut hunnoruju tuusintilikkaanut arfininngormat siuliani nunap sajunneratigut eqqugaasunut nerisassanik, illusimmavissanik imermillu minguitsumik ikiuiniarneranut ikiorsiisoqassalluni.

Normu sianerfissaq KNR-TV-kkut aamma takoqqusaarutigineqassaaq.