Kristian Jensenip Kerry naapissavaa
Danskit nunanut allanut tunngasunut ministeriat Kristian Jensen, amerikamiut nunanut allanut tunngasunut ministeriat John Kerry ataatsimeeqatigiartorlugu aqagu marsip qulingiluaani Washingtoniliassaaq.
Allattoq Inge S. Rasmussen
marsip 08-at 2016 04:31
Nutserisoq Simon Uldum -
Ukraine, Syria Issittorlu pillugit suleqatigiinneq ataatsimiinnermi ilaatigut oqaluuserineqassasut, danskit nunanut allanut tunngasunut ministereqarfiata tusagassiorfinnut nalunaaruteqarluni ilisimatitsissutigaa.
Kristian Jensenillu piffissaq ataatsimiinnissamut "pitsaalluinnartuunerarpaa ".
- Europamiut nunarsuarmioqatigiillu annertuupilussuarnik unammilligassaqarput. Taakkulu aaqqiissutissarsiffiginissaannut Danmarkip, Europap USA-lu suleqatigiinnissaat pisariaqarluinnarpoq. Peqatigiilluta malittarisassiussaagut eqqisseqatigiinnissarlu, tamat oqartussaaqataanerat, inuttut pisinnaatitaaffiit killilersugaanngitsumillu niueqatigiinnissaq sulissutigalutigit, danskit nunanut allanut tunngasunut ministeriat taama oqarpoq.
