Korea Kujallermiut Akilinermi gassimik qalluerusupput

Korea Kujallermiut nukissiuutitigut suliffeqarfiutaanneersut, Kogasimeersut, januaarip qaammataani Inuvimmut tikeraarput. Inuviup Tuktoyaktukillu eqqaani gassseqarfinnik qalluinissamik avammullu niueruteqarnissamik periarfissanik nalilersuiniarneq tikeraarnermut siunertarineqarpoq.

Taakkua takorluugaraat gassi pinngortitamiittoq imerpalasunngorlugu Alaska sinerlugu Asiamut umiarsuarnik angallanneqarsinnaasunngortinnissaa. Tassani tikeraarsimareerlutik maannangaaq gassimut umiarsualiviliornissamik periarfissat misissulereerpaat.

Siunertaavoq erinigineqaloorsimasoq kuussuarmi Mackenziemi gassi Canadap kujasinnerusortaanut USA-mullu ingerlasussaq aqqutissiuullugu ruujorersuarnik sanaartortoqarnissaa. Naak akuersissutit pisariaqartinneqartut pigereerneqaraluartut taamaattoq nalunarluinnarpoq taassuma sananeqarnisaa piviusuinngorsinnaassanersoq, USA-mi gassip akiata apparaluttuinnarneranik kiisalu ruujorersuup sananeqarnissaata akitsoraluttuinnarneranik pissuteqartumik.

Gassip umiarsuarmik assartorneqarnissaata akisuallaarnerujussua ajornakusoornerujussualu pissutaallutik maannakkumut tamanna ajornarsimavoq, kisiannili tassa maanna ruujorersualiornissaq akikinninngorsimavoq.

- Taamaalilluni Asiamut Koreamullu akigissaarfiusunut gassi tassuunaarluni ingerlanneqarsinnaalissaaq, Chad Yang, Kogasimi pisortaasoq Globe and Mailimut oqarpoq. Taakku Umiap eqqaani Inuviup avannaaniittumi 150 millioner koruuninik aningaasaliissuteqareersimapput.

Kogas Inuvimmi tikilluaqquneqarluarpoq, Inuviullu borgmesteria, Mervin Gruben suleqatigiilernermut nuannaarutigilluarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat