Koraalit annerpaat Great Barrier Reef aserorsimasoq
Ilisimatuut ilaata Terry Hughesip ikkanninnguunnernit 2500-uusunit 520-it misissorsimavai, taakkunangalu sisamaannaat ajoqusersimanngillat.
- Qulimiguullip igalaavaniit ikkanninnguunnermiit ikkanninnguunnermut aserorsimasut takullugit uannut ajoqaaq, professor Terry Hughes Australiami nutaarsiassaqartitsivimmit ABC-mit apersorneqarluni oqarpoq.
Ikkanninnguunnerit uippakajaartitaagaangamik qarsortartut qalipaataarullutillu, ilisimatuut oqaatigaat.
Ikkanninnguunnerit uippakajaartarnerat assersuutigalugu immap kissarneruneranik peqquteqarsinnaavoq, qalipaatigissaartitsisunimmi quajaatinik katagartitsisaramik.
Københavnimili Den Blå Planetimi sulisut ilaat Lars Skov Olsen oqarpoq koralit ikkanninnguunnerit aamma siunissaqartut. Aserorterneqarnerat pillugu taanna uissuummisinneqarpoq, aammali neriuutissaqarnerarpai:
Kissassuseq allanngutsaalioraanni koraalit amerlanngittut atorlugit piujuaannartitsisoqarsinnaasoq, taanna oqarpoq.
Ilisimatusarnerup nutaap takutippaa, koraalit ilaat silaannaap allanngornera malillugu allanngoriartortartut.
Great Barrier Reefimi koraalinik nutaanik nassaartoqarsimavoq kissassutsip allanngorarneranut malinnaasinnaasunik.
Koraalimmi tamakku naliginnaasumik imaq kissartoq saperparaluarlugu, illersuutissaminnik ineriartortitsisimapput.
Immap naasuinik 31 grader sinnerlugilluunniit sapingaqanngitsunik koralit immertalersimapput. Taamaattumik immap naasui tamakku misilillugit koraaleqarfinnut allanut nutserneqartalersut, Københavnimi Den Blå Planetimeersoq Lars Skov DR-imut oqaluttuarpoq.
