Konservativet: Kalaallit Nunaanni eqqartuussiveqanermut aningaasaliissutit amerlineqarlik

Aningaasat 20 millionit koruunit Nunatsinni eqqartuussiveqarfinnut atugassanngorlugit ukiuni tulliuttuni pingasuni Danmarkimi aningaasanut inatsimmi ilanngunneqarsimagaluartut, taakkua aaqqiigallarnerinnaasutut isigineqarsinnaasut, Konservatiivit inatsisinut tunngasunut oqaaseqartittagaat Tom Behnke isumaqarpoq.
Allattoq Hagen Højer Christensen, Jaaku Lyberth
novembarip 13-at 2013 05:36

Danmarkimi inatsisinut atuutsitsinermut ministereqarfik aamma Danmarkimi eqqartuussiveqarfinnik aqutsisoqarfik Nunatsinni eqqartuussiveqarfinnut oqartussaasuupput.
 
Ilaatigut eqqartuussisunik amigaateqarneq pissutigalugu Nunatsinni eqqartuussivinni suliassarpassuit kinguaattooqqapput.  

Aningaasanik amerlanerusunik pisariaqartitsisoqarsinnaasoq, Tom Behnke oqarpoq.

- 20 millionit koruunit aaqqiigallarnerinnarnut atorneqarnissaat ilimagaakka. Eqqartuussivinni suliassarpassuarnut iliuuseqarnernut atorneqarsinnaappput, kisianni nalinginnaasumik eqqartuussiveqarfiillu aaqqissuussaanerat allanngortinneqanngippat, suliassat allat nutaat takkussuussinnaapput,  Kalaallit Nunaannilu eqqartuussiveqarfinnut aningaaliissutigineqartartut ataavartumik amerligaluttuinnassallutik, Tom Behnke oqarpoq.

Nunatsinni eqqartuussivinni suliassat 8.000-it sinneqartut suliarineqarnissaat kinguaattoorfiuvoq.

Pissutsit taamakkua pillugit inatsisinut atuutsitsinermut ministeri Morten Bødskov, folketingep eqqartuussiveqarneq pillugu ataatsimiititaliamut nassuiaateqartussanngorpoq,  
immikkut aningaasaliinerit aamma nunatsinnilu eqqartuussiveqarfinni ajornartorsiornerit pillugit nassuiaateqassalluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq