USA-mi inatsisartut ataatsimiititaliaata Trumpip unnerluutigineqarnissaanut takussutissaqarluarsorigaa
![](/sites/default/files/styles/image_934x467/public/article_images/20220610-125134-l-6042x4028ma.jpg?itok=AbqXGgqj)
Ataatsimiititaliaq USA-mi inatsisartut ataatsimiittarfiata siorna 2021-mi januaarip ulluisa arfernanni saassunneqarneranut misissuisoq, USA-p præsidenterisimasaata Donald Trumpip saassussisoqarnissaanut kaammattuisimasutut eqqartuussivitsigut malersorneqarsinnaanissaanut maanna takussutissaqarnerarpoq.
Ataatsimiititaliami ilaasortat sapaammi taama oqartut, nutaarsiassaqartitsivik AP allappoq.
AAMMA ATUARUK Kongressip illorsuaanukartoqannginnerani aqqunartoqareerlunilu kukkungaatsiartoqareerpoq
Præsidentiusimasoq USA-mi præsidentimut 2020-mi qinersisoqarnerata inerneranik inatsisinik unioqqutitsilluni atorunnaarsitsiniaraluarsimasutut taamaasilluni unnerluutigineqarsinnaanngussaaq.
Trumpip inatsisinik unioqqutitsisimaneranik oqartoqarnera misissorneqartariaqartoq, Adam Schiff, demokratiusoq, isumaqarpoq.
Siorna januaarip arfernanni saassussinermut atatillugu ataatsimiititaliap tamanut ammasumik tusarniaarnera sapaatit akunnerata siuliani sisamanngornermi unnukkut aallartippoq.
AAMMA ATUARUK USA-p senatiani republikanerit amerlanerussuteqartut siuttuata Bidenip ajugaanera nalunaarutigigaa
Inuit præsident Donald Trumpimik tapersersuisut hunnorujulikkaat USA-mi inatsisartut Washington DC-mi ataatsimiittarfiannut siorna januaarip arfernanni isaapput.
Præsidentimut qinersinermi peqquserluttuliortoqarsimasoq Trumpip taamanikkut oqaatigisarpaa, tamannali ilumuunnginnerarneqartuarluni. Trump taamaaliorpoq naak siunnersuisui arlallit Trumpimut akerlianik oqaraluartut. Maanna præsidentip, Joe Bidenip, 2020-mi novembarimi qinersinermi ajugaanera Trumpip taamanikkut atuuttussaajunnaarseriaraluarpaa.