USA-p senatiani republikanerit amerlanerussuteqartut siuttuata Bidenip ajugaanera nalunaarutigigaa

Amerikami senatimi republikanerit amerlanerussuteqartut siuttuata, Mich McConnelip, Joe Biden præsidentitullu tullersortissaa Kamala Harris præsidentimut qinersinermi ajugaanerannik pilluaqquai.

- Qinersisartut sinnerlugit taasisartut kina imaluunnit kikkut ajugasuunersut maanna oqaatigaat.

Præsidentinngortussaq Joe Biden pilluaqquara. Senatimi republikanerit siuttuat taama oqarpoq.

McConnel senatimi minutsini qulini oqalugiarnermini præsident Donald Trump nersualaarneruaa.

Oqalugiarninili naggaseramiuk Bidenip ajugaanera nalunaarutigivaa.

- Biden pisortat suliffeqarfiini ukiorpassuarni sulivoq, McConnel præsidentinngortussaq pillugu oqarpoq.

AAMMA ATUARUK Republikanerit pissaanerup eqqissisimasumik tunniunneqarnissaa neriorsuutigigaat

Biden marlunngornermi unnukkut oqaaseqarnermini McConnel oqaloqatigisimanerarlugulu piffissami qaninnermi ataatsimeeqatigiissanerarput.

- Arlalinnik isumaqatigiinngissuteqarpugut, suleqatigiissutigisinnaasavulli aamma amerlapput, præsdentinngortussaq oqarpoq.

Amerikami naalagaaffinni tamani qinersisartut sinnerlugit taasisartut Bidenip ajugaanera marlunngornermi uppernarsarpaat.

Biden qinersisartut sinnerlugit taasisartunit 306-nit taaneqarpoq. Trump 232-nit taaneqarpoq. USA-mi præsidentinngorniaraanni qinersisartut sinnerlugit taasisartunit 270-nit ikinnerunngitsunit taaneqartariaqarpoq.