Kongressip illorsuaanukartoqannginnerani aqqunartoqareerlunilu kukkungaatsiartoqareerpoq
![](/sites/default/files/styles/image_934x467/public/article_images/kongres.jpg?itok=9fWAjMjB)
Donald Trumpip tapersersortai USA-mi inatsisartut Washington DC-mi ataatsimiittarfiannik ukioq manna januaarip ulluisa arfernanni saassussimmata, politiit arlallit akoruutissanit ajoquserneqarput, qaratsakkut ajoquteqalerlutik taliianngikkunillu niuiarlutik.
Inuit tallimat saassussinermi tassani toqutaapput, taakkunannga politeeq ataaseq. USA-mi senatip saassussineq pillugu nalunaarusiaani siullermi tamanna takuneqarsinnaavoq.
Nutaarsiassaqartitsivik AP taama allaaserisaqarpoq.
Assigiinngitsorpassuartigut kukkusoqartoq nalunaarusiap takutippaa. Donald Trumpip tapersersuisuisa kongresimut isersinnaannginnissaannut iliuutsit arlallit iluatsinngitsoortut nalunaarusiap aamma takutippaa.
AAMMA ATUARUK Politeeq Kongressip silataani aporneqartoq toqusoq
Tapersersuisut inatsisartut ataatsimiittarfiannut suliluunniit anngutinngitsut ingasaassiniat ataatsimiittarfimmik saassussiniarunartut mianersoqqussutigineqarpoq, sakkulersorlutik ataatsimiittarfimmik saassussiniarlutik.
Mianersoqqussutilli tamakku politiit aqutsisuinut anngutinngitsoorput, uivernersuaqarneranillu tamanna ilaatigut kinguneqarluni.
USA-mi kongresip politiivini aaqqissuussaanikkut ingerlaannartumik allannguisoqartariaqartoq nalunaarusiami innersuussutigineqarpoq.
Aqutsisunik tatiginninnerunissaq, pilersaarusiorluarsinnaanerunissaq, atortutigullu periarfissagissaarnerunissaq ilaatigut ujartorneqarpoq