Kommunit NemID sullissivik.gl-ilu ilisaritissavaat
NemID atorlugu Sullissivik.gl-imi imminut sullittoqarsinnaavoq. Soorlu assersuutigalugu piniarnermut allagartamik piniartoqarsinnaavoq, allamut nuunneq nalunaarutigineqarluni, ineqarnermut tapiissutinik qinnuteqarluni aammalu eqqaavilernermut anartaajaanermullu nalunaartoqarsinnaalluni. Internettikkut periarfissat amerlisarnissaat aamma maanna sulissutigineqarpoq.
Imminut sullinnissamut periarfissat atussagaanni NemID-qarnissaq pisariaqarpoq, taanna atorlugu sullissivik.gl-imut isertoqarsinnaammat. NemID tassaavoq atsiorneq digitaliusoq, atuisutut id-qartoq aamma matuersaammik isissutissamik ilaqartoq. NemID ilaatigut kommunit innuttaasunik kiffartuussiviinut piniarneqarsinnaavoq.
Paasissutissiiniarluni aaqqissuussinerit sisamaasut Qaqortumi tallimanngorpat septembarip 20-iani nal. 10.00-ip 14.00-llu akornanni, Ilulissani arfininngornermi septembarip 21-iani nal. 12.00-ip 16.00-illu akornanni, aqaguanilu Nuummi sullissivik.gl pillugu innuttasunik paasissutissiisoqassaaq. Nuummi aamma nal. 12.00-ip 16.00-llu akornanni ingerlanneqassaaq. Sisimiuni innuttaasut Nem ID imminullu sullinnissamut periarfissat pillugit tallimanngornermi septembarip 17-iani nal. 12.00-ip 16.00-llu akornanni paasissutissiiffigineqassapput. Paasissutissiiniarluni ataatsimiisitsinerit illoqarfiit ataasiakkaat innuttaasunik kiffartuussiviini ingerlanneqassapput.
Soqutiginnittut innuttaasunik kiffartuussivimmut saaffiginnissinnaapput.