Politikki

Kommuneqarfik Sermersuumi ilaasortassat kikkuunersut paasinarsivoq

Kommuneqarfik Sermersuumi kommunalbestyrelsemi nutaami ilaasortanngortut kikkuunersut paasinarsivoq. Inuit Ataqatigiinnersoq kingumut qinigaaqqittoq rekordiliivoq.
Assi © : Malik Brøns
Allattoq Karsten Sommer
apriilip 05-at 2017 12:48
Nutserisoq Erna Lynge

 

Illoqarfiit pingaarnersaanni Inuit Ataqatigiit ajugaasuupput borgmester Asii Chemnitz Narup nutaamik rekordiliivoq 2.259-inik qinerneqarami. 2013-imi kingullermik qinersinermi qinersisini marloriaatinngungajallugit.

AAMMA ATUARUK Qeqqata Kommuniani qinikkat kikkuuneri takuneqarsinnaalersoq

Kommunalbestyrelsimi 19-inik ilaasortalimmi Inuit Ataqatigiit qulingiluanik ilaasortaatitaqalerput - Siumut arfinilinnik, taakkunani Martha Lund Olsen 482-nik taaneqarami qinerneqarnerpaalluni.

Inuit Ataqatigiit suleqatigissagunagaat Demokratit pingasunik ilaasortaatiqalerput, taakkunani naalakkersuisunut ilaasortaasimasoq Nivi Olsen 467-nik qinerneqarnersaavoq.

Atassut ataatsimik ilaasortaatitaqalerpoq - aamma naalakkersuisunut ilaasortaasimasoq Mala Høy Kuko 289-inik taaneqarluni isermat.

 

AAMMA ATUARUK Asii kommunimut qinersinermi taaguunneqarnerpaalluni rekordiliisoq

 

 

 

 

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk

Inuit nunami nunarsuarmi pissaaneqarnerpaasumiittut aqagu qinersissapput, tamannalu ilinnut sunniuteqassaaq

Politikki

Ilisimatusartoq: Umiarsuit takornariartaatit arfernut aarlerinartorsiortitsinngillat

Politikki

EU nunatsinnut nuannarinnilersitsissalluni neriuuteqartoq