Qeqqata Kommuniani qinikkat kikkuuneri takuneqarsinnaalersoq
Siumut Qeqqata Kommuniani amerlanerussuteqavinnini attappaa, kommunalbestyrelsimi ilaasortat katillugit 15-iusuni arfineq-pingasunik ilaasortaatitaqalerami, taamalu borgmesterinngortitsisinnaassalluni.
Malik Berthelsen taaguunneqarnerpaalluni 522-nik qinerneqarpoq, Qeqqatalu Kommuniani borgmesterinngortussatut ilimanarnerpaalluni.
Atassut pingasunik ilaasortaatitaqalissaaq, kommunimilu tassani qinigassanngortittut akornanni qinigaanerpaaq Siverth K. Heilmann 596-init qinerneqarluni.
Inuit Ataqatigiit pingasunik aamma ilaasortaatitaqalerput, Juliane Enoksen matumani qinigaanerpaalluni 196-init qinigaalluni.
Partii Naleraq ataatsiminik ilaasortaatitaqalerpoq. Henrik Fleischer Qeqqata Kommuniani 118-init qinerneqarluni kommunalbestyrelsimi ilaasortanngorpoq.
Najoqqutarisaq: Valg.gl
