Kujallermi sanaartornermik aatsitassarsiornermillu suliallit suleqatigiiffiliortut
Aningaasaqarneq, inuussutissarsiutinik ineriartortitsineq, suliffeqarneq piginnaanngorsaanerlu ilinniartitaanerlu suleqatigiiffittaami oqaluuserineqartassapput.
- Aningaasaliisartut Nunatsinneersut avataaneersullu eqqarsaatigalugit Nunatsinni qinikkat suleqatigalugit kujataaniut soqutigisaannik aallussinissamut toqqammavissanik pitsaasunik qangali amigaateqarsimavugut, Suleqatigiiffilioqataasut ilaat Alex Nørskov tusagassiuutinut nalunaarummi ilaatigut taama allaaserisaqarpoq.
Kommune Kujalleq suleqatigiiffimmik aamma pilersitseqataavoq, suleqatigiiffimmillu pilersitsinerup iluatsinneqarnera Kommune Kujallermi borgmesterip Jørgen Wæver Johansenip nuannaarutigaa:
- Kommunimi inoqarfiit tamarmik sanaartornikkut aatsitassarsiornikkullu suleqatigiinnerminnik nangitsinissaannut suleqatigiiffik taanna pingaaruteqaqaaq. Avataaneersunik oqaloqateqartarnitsinni isumaqatiginninniartarnitsinnilu nunap immikkoortuatut kommunitullu nukittunerulissaagut, borgmesteri Jørgen Wæver Johansen oqarpoq.