Kommune Kujallermi imigassanik tamanik nioqquteqarneq unnummut matuneqarallarpoq

Kommune Kujallermi imigassamik nioqquteqarneq sassaalliuteqarnerlu tamarmi unnummut matuneqarallarpoq. Kommunimi borgmesteri Facebookikkut allappoq, naalakkersuisullu tusagassiuutinut nalunaaruteqarlutik.

Allattoq Nicole Sander Bertelsen

oktobarip 02-at 2026 20:22

Nutserisoq Connie Fontain

Kommune Kujallermi imigassamik pisisoqarsinnaajunnaartoq nalunaarutigineqaqqammerpoq.

Naalakkersuisut tusagassiuutinut tallimanngornermi unnukkut nalunaaruteqarput.

- Naalakkersuisut Kommune Kujallermi kommunalbestyrelsi sinnerlugu imigassanik aalakoornartortalinnik tuniniaanermut sassaalliuteqarnermullu utaqqiisaasumik inerteqquteqalernissamik qinnuteqaammik tigusaqarput.

Imigassamik atueriaatsip avatangiisinut nuanninngitsumik kinguneqartarnera pissutaasoq, borgmesteri Facebookikkut aamma tusagassiuutinut nalunaarummi allappoq.

- Imigassamik atueriaatsip nuanninngitsumik avatangiisinut sunniuteqartarnera aallaavigalugu imigassamik atuinerput illersorneqarsinnaajunnaarpoq, Malene Vahl allappoq.

Kommunip qinnuteqaataa akuerineqarpoq ullumimiillu 2026-mi oktobarip aappaannit atuutilerluni.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.