Kommunalbestyrelsissat utaqqimaaginnarput

Kommunini ataasiakkaani kommunalbestyrelsit inissititernissaminnut utaqqimaaginnarput. Kommunalbestyrelsit inissititersinnaalissapput qinigaasinnaatitaanermut ataatsimiititaliap qinikkat pillagaasimanngitsutut allagartaasa pineqarsinnaalissappata.

Kalaallit Nunaanni Kommuneqarfiit Kattuffiata, KANUKOKA-p, siulittaasuat Jens Lars Fleischerip ilimaginngilaa aallartitat ataatsimiinnissaannut tamanna kinguarsaataajumaartoq:

- Kommunalbestyrelsit nutaat kingusinnerpaamik ataasinngornermi juunip aallaqqaataani inissititertussaapput, naatsorsuutigaaralu tamanna angumerisinnaassagaat, Jens Lars Fleischer oqarpoq.

Kommunit massakkut akissarsianut aningaasartuuteqarnerusariaqassapput, qinersivimmi kingullermi ilaasortat qinikkallu nutaat ajunngittorsiassaqassammata. Qinersivitoqqami ilaasortaasimasut nutaat inissititernissaata tungaanut aqutsisuugallartariaqartarput, Jens Lars Fleischer ilisimatitsivoq.