Kommunalbestyrelsimut ilaasortat najukkani ataatsimiititat pillugit paasissutissiissapput
Innuttaasunik ataatsimiisitsinissat sapaatit-akunnerata tulliani pisussat taamaaliornikkut usassaarutigineqassapput. Ataatsimiisitsinerni najukkani ataatsimiititat eqqartorneqartussaapput. Politikerillu taamatut aaqqissuussinermikkut innuttaasut najukkani ataatsimiititat suliaallu pillugit soqutiginnilersissinnaanissaat neriuutigaat.
-Innuttaasunik ataatsimiititsinissat sapinngisarput tamakkerlugu innuttaasunut paasitikkusuppavut. Taamaattumillu innuttaasut tikillugit peqataanissaannik kajumissaarusuppavut, sumiiffinni ataatsimiititat aaqqissuunneqarnerat kiisalu sunik suliaqarnissaat pillugit sunniuteqaqataaniassammata, Mille Søvndahl Pedersen, Sanarfinermut Avatangiisinullu ataatsimiititap siulittaasuaoqarpoq
Ataasinngorpat ualikkut aamma paasissutissanik agguaasseqqittoqassaaq. Tamatumuuna Nuuk Centerimi.
Innuttaasunik ataatsimiisitsinerit pingasuusut sap. ak. 4-mi marlunngornikkut, pingasunngornikkut sisamanngornikkullu pissapput. Malunngornermi Atuarfik Hans Lyngep timersortarfiani, pingasunngornermi Nuussuup Atuarfiata inersuani sisamanngornermilu Atuarfik Ukaliusap kantinaani. Ataatsimiisitsinerit tamaasa nal. 19.00-mit 21-00-mut ingerlanneqassapput.
