Kommunalbestyrelsemi allannguineq: Borgmesterip tullersortai nutaat

Kommuneqarfik Sermersooq ippassaq borgmesterertaarpoq, soorlu aamma borgmesterip tullia siulleq, borgmesterillu tulliata aappaa nutaat toqqarneqartut.
Assi © : Kommuneqarfik Sermersooq
Allattoq Karsten Sommer
juunip 12-at 2019 10:57
Nutserisoq Mads Lynge

Asii Chemnitz Narupip borgmesteritut tunuarneratigut borgmesterit nutaat toqqarneqarput.

Kommunalbestyrelsimi ilaasortat amerlanerussuteqartut 32-nik ukiulik Charlotte Ludvigsen borgmesterissatut toqqarpaat.

AAMMA ATUARUK Uju Petersen gruppemi siulittaasuujunnaartoq

Borgmesterip tullersortai marluk kingorna qinerneqarput.

Borgmesterip tullia siulleq tassaalerpoq Uju Petersen, Inuit Ataqatiiginneersoq, borgmesterillu tulliata aappaa tassaalerluni Harald Bianco, aamma Inuit Ataqatigiinneersoq.

AAMMA ATUARUK Charlotte Ludvigsen Kommuneqarfik Sermersuumi borgmesterinngortoq

Demokraatit Kommuneqafik Sermersuumi ukiuni qulini suleqataareerlutik borgmesterimut partiianullu tatiginnikkunnaarlutik ataqqinnikkunnaarlutillu sapaatit akunnerata siuliani nalunaaruteqarput. Tamannalu pissutigalugu suleqatigiinneq kipivaat. 

Borgmesterip Tasiilami pissutsit pillugit suliami iliuuserisai kiisalu borgmesterip Facebookikkut allaaserisaa taama kinguneqartinneqarput.

Asii Chemnitzip Facebookkikkut saqqummiussamini Demokraatit Kim Kielsenimik sernissuisutut isornartorsiorpai, "naak naalakkersuisut aningaasaqarnermik ajornartorsiutinillu tigussaasunik nakkutiginnissinnaanngikkaluartut."

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk