Knud Rasmussenip umiarsuaa angerlartoq
Knud Rasmussen umiarsuarmut tassunga ilaalluni 1933-mi ilisimasassarsiorniarluni angalavoq, umiarsuaq Qaqortumut kingorna tikippoq, Issittumi angalatooq napparsimmavimmut tassani unitsinneqarluni, Københavnimilu decembarip ulluisa 21-anni toqulluni.
'Kivioq' Nuummi ukiorpaalunni inissisimavoq, 1989-imilu kivilluni. Kingorna puttallarteqqinneqarpoq, iluarsaanneqarlunilu Danmarkiliaanneqarluni. Umiarsuaq eriagineqartussatut Skibsbevaringsfondenimit taava 2008-mi nalilerneqarpoq, peqatigiiffimmiillu Kivioqs Vennerimit pigineqarluni.
AAMMA ATUARUK Katersugaasivik Knud Rasmussenimut tunngasoq nutaaq Danmarkimi
Umiarsuullu Knud Rasmussenip Danmarkimi illoqarfigisimasaani Hundestedimi inissinneqarnissaa peqatigiiffiup maanna soqutigilerpaa. Industrimuseet Frederiks Værkimilu museumsinspektørip Søren la Cour Jensenip tamanna nuannaraa:
- Knud Rasmussenimut tunngassuteqarsinnaasut, oqaluttuarineqarneranullu soqutiginaateqarsinnaasut katersorneqarnissaat soqutiginartuuvoq, Kiviullu Hundestedimiitinneqarnissaa assut pissanganarpoq, la Cour Jensen oqarpoq.
