Knud Rasmussenip Illua ammaqqippoq
Illu 1917meersoq oktober 2011-mi ikuallaleraluarpoq. Knud Rasmussenip 53-iinnarnik ukioqarluni 1933mi toqussi tikillugu illu najungarisimavaa.
Kingorna issittumi ilisimasassarsiortartorsuarmut tassunga eqqaassutissatut illu iluarsaanneqarpoq, ikuallannerup illup annertuumik iluarsaateqqinneqarnissaa pisarialersinnissaata tungaanut.
Itsarnisarsiuut, illussanik titartaasartut aanaveersaasartullu tamarmik illup qangatut ilusilernissaa ilungersorlutik sulissutigisimavaat, taamani Knud Rasmussen nuliilu Dagmar tassani najungaqarallarneratut isikkoqalerseqqinniarlugu. Atuakkiortut kulturikkullu sammisallippassuit Kalaallit Nunaannut soqutiginnittut 1930-ikkunni illumi tassani katerisimaarrattartorsuusimapput.
Illup ammaqqinneqarnera malunnartinniarlugu ilasseqatigiineqarpoq, Lynæs Oqaluffiata tussiaqattaartartui erinarsortuliullugit ilaatigut inuiaassutsitsinnik erinarsuuterput Nuna Asiilasooq atorlugu.
