Knud Rasmussen suli nuannarisaavoq
Aaqqissuussineq soqutigineqartorujussuuvoq aqqissuussinernullu arlaqartunut tamanut bilitsit tamarmik inniminnerneqarsimapput.
Knud Rasmussen pillugu aaqqissuussinermi filme-nik takututitsisoqassaaq taakkununnga ilaapput Paalup nuliarsarnera aamma Qimussinik Alaskamut angalaneq. Taakkua saniatigut Kassaaluk Qaavigaq qilaatersussaaq oqaluttuanillu Qaanaameersunik oqaluttuassalluni.
Knud Rasmussen-ip inuunera angalanerilu pillugit oqaluttuartoqassaaq oqaluttuassapput siornatigut isiginnaartitsisarfimmi pisortaasimasoq Lone Bastholm atuakkiortoq Knud Michelsen aamma Claus Oreskov.
Claus Oreskov Knud Rasmussen pillugu peqatigiiffimmi siulittaasuuvoq aaqqissuussinermullu suliniuteqartuulluni.
- Taamak soqutigineqartiginera tupaallaatigaarput. Tamanna soqutiginneqqilernertut isigaara, Knud Rasmussenili kisimi pineqanngilaq. Issitorli tamaat isigalugu soqutiginninneq annertuvoq, tamatumunnga pissutaavoq Kalaallit Nunaanni ineriartorneq maannakkut pisoq oqallisigineqarujussuummat, Claus Oreskov oqarpoq.
Knud Rasmussen pillugu aaqqissuussinerit Helsingør-imi atuakkanik atorniarfimmi Kulturi-ikkut illumiittumi aqagu nanginneqassapput.
