KNT-ip akileraarutinut akiitsui 1,2 mio. koruunit amerlagisassaanngillat
Taama oqarpoq piginneqatigiiffimmi KNT-mi pisortaq Mikael Petersen, Danmarkimi piginneqatigiit allattorsimaffiani selskabsregisterimi direktøritut suli allassimasoq.
Akileraarutinut akiligassat akilerneqarnissaanut Mikael Petersen ermassutissaqanngitsoq taanna oqarpoq. Tamanna piginneqatigiiffinni mikisuni nalinginnaasuummat.
- Ingerlatseqatigiiffiit ingerlalluartut eqqarsaatigalugit 1,2 million koruunit aningaasarpassuunngillat, "naami annertunngillat" ingerlatseqatigiiffiup imminut akilersinnasunngortinneqarpat akiligassat ernumananngillat, Mikael Petersen oqarpoq.
Aamma atuaruk KNT-p siulersuisuini ilaasortap akiitsut annertunerat tupaallaatigaa
Taama annertutigisunik akiitsoqarsorinngikkaluarpaa
Akileraartarnermut aqutsisoqarfimmut akiitsut 1,2 millionit amerlagisassaannginnerarlugit oqarneq - KNT-p siulersuisuni siulittaasuugallartup Jakob Krusep isumaqatiginngilaa.
- KNT akiitsoqartoq nalunngikkaluarpara kisianni taama annertutigisorsuarnik akiitsoqarnissaa ilimanginngikkaluarakku, Jakob Kruse oqarpoq.
Jakob Kruse KNT-p marsimi ataatsimeersuarnissaata tungaanut siulersuisuini siulittaasuugallartoq taama oqarpoq.
KNT tapiiffigineqarneq ajorpoq
Piginneqatigiiffik KNT pisortanit tapiiffigineqarneq ajortoq, naak illoqarfiit nunaqarfiillu allat sikusartut pisortanit tapiiffigineqartaraluartut, Mikael Petersen oqarpoq.
Aamma atuaruk Niaqornani sulisut ikiorserneqarsinnaalerput
Mikael Petersen Siumumi partiip siulittaasuata aappaattut qinigaanermi kingorna KNT-mi direktøritut tunuarpoq.
Partii Siumumi politikeri alla aamma inuussutissarsiutinik ingerlatsisimanermi ajornartorsiorpoq.
Suliffeqarfik alla aamma ajornartorsiorpoq
Partiimi siulittaasup tullia aamma Kommune Kujallermi borgmesteri Jørgen Wæver Johansen suliffeqarfiup akiliisinnaajunnaarluni matusup, Nanoq Beerip, suliffeqarfinnut akileraarutinut royaltinullu akiligassat akilerniarneri ajornartorsiutigaat.
