KNRimi poorskimi timersornerpassuit
Poorskikkunni pissartanngorniuttunit aallakaatitsinerit aallartereerput, sisoraatinik oqilaniulluni pissartanngorniunnernit arfininngornermi sapaammilu aallakaatitsisoqarmat. Ilulissani unammersuartuniit aamma marlunngornermi, pingasunngornermi tallimanngortumilu tannaartumi aallakaatitassiortoqassaaq.
Unammersuarnerit aamma Nuummi ingerlanneqarput tassani volleyball aamma sangusaarluni pissartanngorniunnerit ingerlanneqarmata. Unammersuarnernit taakkunannga KNR-TV aallakaatitassiortassaaq. Sangusaarluni pissartanngorniunnernit aallakaatitassiat sisamanngortumi illernartumiit arfininngorneq ilanngullugu takutinneqartassapput. Volleyballimi unammersuartuniit aamma aallakaatitat takutinneqartassapput ataasinngornermi pingasunngornermi sisamanngortumilu illernartumi.
Sulorarluni pissartanngorniunnerit naggaserlugit Nuummi illorsuarmi timersortarfimmi finalet tallimanngortumi tannaartumi ingerlanneqalerpata KNR-TV toqqaannartumik aallakaatitsiniarneq nalunaaqutaq 13.00-miit 16.00-ip tungaanut.
Radio
KNR-radioaamma porskikkunni unammersuartunit aallakaatitsiniarpoq aallakaatitsivimmi pulaartoqartassalluni aammalu unammiffiusuniit oqarasuaatikkut nalunaaruteqartoqartassalluni. Uju Petersen aamma Finn Nielsen aallakaatitsivimmiit malinnaatitsisuujumaarput sisamanngortumi illernartumi nalunaaqutaq 16.00-miit 17.00-ip tungaanut. Aallakaatitsivimmeeqqissappullu arfininngornermi nalunaaqutaq 16.30-miit 17.00-mut nangeqqissallugulu 17.30-miit 18.00-mut.
Assammik arsarluni U-19-it angutit arnallu unammersuarnerannit finalet poorskip ulluani radiokkut toqqaannartumik aallakaatinneqassapput ullorlu taanna unammersuarfinnit allanit aamma tusagassaqarumaarpoq.
Poorskikkunni unammersuartunit radiop aallakaatitsineri naggaserneqassapput poorskip ulluata aappaani pissartanngorniunnerit assigiinngitsut kingumut qiviarfigineqarumaarlutik.
Unammersuarnernit angusat aamma malinnaaffigisinnaavatit KNRip nittartagaani. Qulaani tuugassat "radio" aamma "tv" toorlugit aallakaatitassat tulleriiaarnerat takusinnaavat.
