KNR PANAM2018-imut guldsponsorinngortoq

KNR, Amerikap nunavittaani assammik arsarluni nunarsuarmi pissartanngorniunnernut anngunniunnissamut, Panam 2018-imut aningaasaleeqataasussanngorpoq, Guldsponsoritut taaneqartartutut aningaasaleeqataasussanngorluni.

KNR-ip Panamimi unamminerit 40-t toqqaannartumik juunip ulluisa 16-iannit 24-ata tungaanut aallakaatissavai.

- Panam2018 timersornikkut nunatsinni aaqqissuussanut annernut ilaavoq, assammillu arsartarneq nunatsinni tapersersorneqartorujussuuvoq, KNR-ip pisortaa Karl Henrik Simonsen oqarpoq, nangillunilu:

AAMMA ATUARUK Nunat Nuummi PanAmimut peqataasussat 12-it piareertut

- Aaqqissuussamut taama annertutigisumut soorunami peqataarusuppugut. Unamminerit Nuummi Inussivimmit tv-kkut aallakaatittassavavut, unamminerillu internetikkut aamma malinnaavigineqarnissaannut aamma periarfissaqassaaq, pisortaq oqarpoq.

KNR-ip suleqateqarnissaq, Panam2018-imik ataqatigiissaarisup Poul Petersenip nuannaarutigaa:

- Amerikap nunavittaani anngunniullutik unammersuarnerit TV-kkut aallakaatinneqarnissaat pingaaruteqarpoq, KNR-ilu suleqatiserimmatigut nuannaarutissaavoq, Poul Petersen oqarpoq.