Timersorneq

Nunat Nuummi PanAmimut peqataasussat 12-it piareertut

Cuba, Canada aamma Puerto Rico assammik arsarluni Amerikap nunavittaani pissartanngorniunnernut Nuummi aasaru ingerlanneqartussanut anngupput. Nunani tamalaani assammik arsartartut kattuffiat IHF nittartakkamini taama allappoq.

Allattoq Jonas Fievé

apriilip 10-at 2018 07:27

Nutserisoq Simon Uldum -

PanAmimut peqataasussat kingulliit pingasut kikkuussanersut Mexico Citymi anngunniuttoqarnerani paasinarsipput, nunallu peqataasussat aqqaneq-marluusut pissartanngorniuttoqarnissaanut taamaalillutik piareerput.

Aamma atuaruk Air Greenland timmisartuussinernut aningaasaleeqataasussanngorpoq

Nunatta aaqqissuisuusussap saniatigut Cuba, Canada, Puerto Rico, Uruguay, Peru, Paraguay, Guatemala, Colombia, Chile, Brasilia aamma Argentina assammik arsarluni Amerikap nunavittaani pissartanngorniunnernut Nuummi juunip 16-ianit 24-anut ingerlanneqartussanut anngupput.

Unammingaatsiartoqassagunavipporlu, nunammi pitsaanerit pingasut nunarsuaq tamakkerlugu pissartanngorniunnernut ukiup tulliata aallartinnerani Danmarkimi Tysklandimilu ingerlanneqartussanut annguttussaassapput.